cybercat

Значи и позиција и опозиција се сплоти, и е во напад на новиот закон против пушење. Ниту име,ниту идентитет не успеа така да ги сплоти како законов. ПУШАЧИ ОД ЦЕЛА МАКЕДОНИЈА ОБЕДИНЕТЕ СЕ! И тие кои со потсмев гледаа на спомнување на фразата ЧОВЕКОВИ ПРАВА(овде мислам на тешките десничари), оддеднаш се најдоа со загрозени човекови права.

Да не заборавиме дека има огромен број на такви кои истотака се борат за правото да си произведувате ракија по дома. Таквите ко нив гласно викаат -Кои се они нас да ни кажуваат ракија да не правиме?, -За инает ќе правам ракија….. Најгласните како и по обичај појма немаат како се прави ракија,ама факт е дека сакаат да си ја конзумираат и тоа бајаги. Јас не го знам точно законот,ама ако не се лажам, се забранува само производство во домашни услови за понатамошна препродажба,ама не и за лична употреба. Не сум сигурна,ако има некој нека го постира како точно гласи.

Како и да е, поентата ми е, и име ќе смениме, само цигарчето и ракиичкаата не ни ги чепкајте. Навистина сме единствени. Евроскептицизам хранет со цигара и ракиичка. Нека ни служи на чест.

Колку е слатко не е нормално…

Пред да почнам со постов, а ќе си се осврнам на насловов,само ќе кажам дека мојот интернет секогаш гаи специјален хумор за мене. Ако продолжи вака, ќе станам зен будистка и ќе си го сменам провајдеров еднаш засекогаш. Е сега можам да продолжам,со длабока воздишка и полулуто фациче.

Се возам денес во градски автобус на Партизанска. Вообичаена гужва,претекнувања,коли летаат и од лево и од десно, тргнуваме да го фатиме семафорот, ама доцна, и во целата таа бркотница со просторот од улицата и времето од семафорите, одеднаш до мојот автобус се залепи автобус со ученици. По моја лична проценка,а со оглед на моето искуство со работа со деца,некаде шесто,седмо одделение. Колку што можев да видам одеа на екскурзија.

И гледам насмеани лица, се плазат,се криват,се кикотат,онака можев да го осетам џагорот иако не бев таму. Кога одеднаш им текна да лепат џиновски листови на прозорците испишани со фломастер. На едните пишуваше :

 ИМАМЕ СВИНСКИ ГРИП- и ги гледам глумат,прават измачени фацички;

 Имаше и други листови на кои напишале:

НЕ КИДНАПИРАА, НЕ СИЛУВААТ- и гледам како девојче и машко се кикотат, девојчево имаше огромни очиња и најцрна гајтан веѓа на свет што се виделе.

 Ја гледам наставничката дојде, им кажува веројатно нешто да се одлепат од прозорците и да си седнат на местата,ама дека ја изигнорираа максимално беше и повеќе од очигледно.

Одеднаш автобусот се заклати и летна кон зеленото светло на семафорот,глумциве испопаѓаа по седиштата, и ми исчезнаа од вид.

Си се насмеав и ми текна како кутри деца ги бомбардираат со информации за превенција од вакви и онакви грипови,педофилија,семејно насилство и што уште не, и очигледно веќе до толку им е здосадено што почнале шеги да си прават на сериозни теми. А шеги на сериозни теми ако ви текнува прават зрели луѓе,правиме ние ГОЛЕМИТЕ, возрасните. Кога почнаа и клинциве вака да се зафркаваат,значи сме ги остареле ептен пред време и се многу попаметни и позрели од што мислиме…и што би рекол Џоле Балашевиќ-Неки нови клинци,неки нови клинци,неки нови клинци…

Изедов се и сешто вечерва,па после ќе се чудам зошто Меанџи ме замислувал полничка. Смоки,чоколадо,мушмули,сендвич со мајонез,шунка,патлиџан,кашкавал и маслинки(my favorite by the way, уште зелена салата да имаше). Значи после сево ова јадење добив грижа на совест, и за да не размислувам многу за евентуалното качените килограми, почнав да си мислам на некои фрази во нашиот јазик.

ШТО ТЕ ГЛЕДАМ ЧУДНА?!

има една што ме збунува стално :

 ГО ИСКРШИЈА ОД МАВАЊЕ или варијации ГО УТЕПАА ОД КРШЕЊЕ

Онаа првата ми е хит деновиве, и си ја користам со блага насмевка на лицето. Aко ви текне на некоја плус, бујрум да споделиме.